AYUB 14:1 - Alkitab Singog In Mongondow Masa In Tanaa

¹ Nongkon noitondedépamai intau tua in moyangkóbí, diá kodaya; mopoḷok in kobiagannea bo nopuḻing in roriga.

AYUB 14:1 Referans Kwoze

AYUB 5:7

Deeman! Táe intaubí tontaní inta mopoangoi in bodito kon inia, naonda bo rosik in baga in tuḷú momukábí nongkon tuḷúnea tontaní.

MOHOHUTUBA 2:23

Onukabí in inaidannea kon dodai in nobiagpa, modia kon roriga bo nakit in ginanea. Kon tungkuḷ in doḷom mohawatir doman in ginanea. Dá tua komintan in diábí doman in mangaḻenea.

AYUB 25:4

Degá intau motusi kon mata i Allah? Degá nodarit kon tayowon-Nea?

AYUB 7:1

Intau tua in naonda bo pinakisa mogaid kon oaidan; mobogat in kobiagannea naonda bo kobobiag in intau noniguan;

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

MATIUS 11:11

Poguman-Ku kon inimu: “Kon sigad monia inta pinolahir in bobay diápabí kon dodai in onda in ná kokokawasa i Yohanes Mobobaptis tongá inta inanggap in intau moompá kon bonu in dunia mobagu i Allah, kawasa-Nea in noiḻiu kon i Yohanes.

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

AYUB 15:14

Degá intau in totokbí in diá kotaḷá? Motaau degá in sia pobanaron kon tayowon i Allah?

AYUB 9:25

Singgaiku mita moitaḻib moḻikat totok, bo moḷagui takin diá in sanang.

AYUB 7:6

Kobiaganku inta diádon in kamang ḻimikat in mopobayá in imbuitnea, noiḻiu kon ḻikat in intau mogogaboḷ moburow kon gogaboḷannea.

MOHOHUTUBA 2:17

Tuamai in kobiagan diá bidon in mangaḻenea kon inakó, ibanea in diábí. Komintan diá in mangaḻenea; akuoi in noḷongasidon nodomok kon tompot.

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

KINOBAḺIAN 3:17

Bo ki Tuhan in noguman kon ḷoḷaki tatua, “Iko ain nokidongog kon tosingogon i buḷoimu bo nokaan kon bungai in kayu inta diá inogoi-Ku kaanonmu. Pinopisí in oaidmu tatua, dá kinutukdon in butá. Iko in musti mokoporajing in mogaid kon bonu in kobiaganmu sinbá butá mobogoipa in boyó inta tugat pakéon monimu.

AYUB 10:20

Ah, diádon moonggot bo matoi in akuoi, dá pomayádon mako in akuoi tontaní, sinbá korasaankupa in kobiaganku inta kiagatneapa tanaa.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

YEREMIA 20:18

Nongonu sin akuoi in mustibí pononggadí? Degá tongábí bá mororiga bo mosusa? Bo degá bá kobiaganku in moitaḻib kon bonu in oyá?

DATU MITA 2 4:19

Bo daḻídon in adí tatua nomaḷú kon i amánea, “Adodoia! Monakit totok in uḷuku!” “Diadon in adí tatua kon i inánea,” guman i amánea kon bobantungnea.

AYUB 8:9

Kobiagan naton in notoyong, kita in diábí nonotaau kon onu bo onu; singgai mita naton naonda bo oḻinow.

AYUB 25:5

Kon i Allah, nodapot in buḷan diábí notarang, bo tundi in inanggapneabí nokudow.

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,