AYUB 13:23 - Alkitab Singog In Mongondow Masa In Tanaa

²³ Tongonu in kobayong in taḷá bo dosa inta inaidanku? Bayongan aidku inta noitabat in poguman-Mukadon!

AYUB 13:23 Referans Kwoze

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.

AYUB 22:5

táe popisíbí in nobayong totok in dosamu, bo totuu moraat in aid bo dodiamu.

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

AYUB 6:24

Yo, tundúdon in akuoi, poontongdon in taḷáku! Kibio-bióbímai in akuoi bo mokidongog kon tosingogonmu.

AYUB 10:2

Oo Allah, dikadon in akuoi potaḷáan-Mu; insilangaidon nongonu sin akuoi in iḷawang-Mubí.

AYUB 10:6

Aka natua, nongonu sin tayakon-Mubí in bayongan dosaku? nongonu sin aḷowan-Mubí in pomuḷoi in taḷáku?