AYUB 13:16 - Alkitab Singog In Mongondow Masa In Tanaa

¹⁶ Degá popisí in baraniku tatua mosaḷamat in akuoi, tuamai intau moraat in diá mokobaḻí tumayow kon i Allah!

AYUB 13:16 Referans Kwoze

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

MAZMUR 118:21

Akuoi in modayow kon ini-Mu, sin Iko in notubagdon kon sambayangku; pinountung-Mudon in akuoi.

OUMAN IN RASUL MITA 13:47

Sin tanaadon in parenta i Tuhan kon inami, ‘Aindon sinantú-Ku in moiko mobaḻí bayag kon bayongan in intau ibanea inta deeman intau in Yahudi, sinbá nongkon i monimu, bayongan in intau kon dunia naa in mosaḷamat.’ ”

YEREMIA 3:23

Diábí in mangaḻenea kami in noyotakin nosumba kon berhala mita kon tudu mita in buḷud! Totuḷung kon umat in Israel in tongábí mamangoi nongkon i Tuhan Allah nami.

MAZMUR 118:14

Ki Tuhan in pangkoi in ropotku bo kinoibo-ibogku, Sia in noposaḷamatdon kon inakó.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

AYUB 36:13

Intau inta diá kotuhan motagú kon torú; umpaka ihukum i Tuhan, doíbí in mosia moigum kon totuḷung.

AYUB 8:13

Natuata in intau inta diá kotuhan. Sia in nokoḻiong kon i Allah, dá nobuḻidon in kamang.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

AYUB 13:17

Tanaa in indongogaidon kopia in tosingogonku; taridiaidon in kataranganku.

AYUB 23:7

Akuoi in diábí kotaḷá bo mokobayowbí kon tayowon-Nea, dá akuoi in poniatadon kon noiḷuat modapot in mononoi.

AYUB 34:21

Sia in moindoi mako kon kobobiag in intau, inindoian-Nea in bayongan ḷampangnea.