AYUB 12:7 - Alkitab Singog In Mongondow Masa In Tanaa

⁷ Poḻibódon kon ḷagapan bo biag ibanea dá moiko in ogoianbí monia in totundú.

AYUB 12:7 Referans Kwoze

YESAYA 1:3

Sapi in kotaauanneabí in kitoginea, keledai in monotaaubí kon tampat pongogaanan inta sinadia i tuangnea. Táe umat-Ku Israel in diá; diábí in mosia nonotaau intua.”

AMSAL 6:6

Intau inta maḷat mustibí monaridi kon kobobiag in toyom bo mobalajar kon inia.

YEREMIA 8:7

Ḷagapanpa bangow in kotaauanneabí in wakutunea mobui; tarangkuku, ḷagapan tansibí bo murai in monotaau doman kon wakutunea momamping kon tampat. Táe moiko, umat-Ku, in diábí nonotaau in hukum mita inta inogoi-Ku kon inimu.

SURAT I PAULUS KON JAMAAT RUM 1:20

Pinangkoipamai in Sia nomaḻí kon dunia naa, sipat mita i Allah inta diá koontongan, ná kaadaan-Nea saḷaku Allah bo kawasa-Nea inta mononoi, kinotaauan bidon in intau nongkon bayongan inta pinomia-Nea tua, sahingga intau in diábí motaau in dumodia.

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.

AYUB 12:8

Poigumdon kon insilang kon mahaḷuk kon butá bo kon dagat, dá mokouḻíbí in moiko kon intarangnea.

KINOBAḺIAN 1:21

Dá ki Allah in nomaḻí kon mahaḷuk mita mongoḷoben kon bonu in dagat, bo noyagi-yagimai in mahaḷuk inta nobiag kon bonu in tubig, takin noyagi-yagimai in ḷagapan. Bo nopia in gina i Allah in nokoontong kon tua.

KINOBAḺIAN 1:25

Natuata in pinomomaḻí i Allah kon tua komintan bo nopia in gina i Allah in nokoontong kon tua komintan.

AYUB 8:10

Indongogaipa in singog in intau moarip tatua koḻipod, mosia in nobogoi in totundú tanaa kon inimu,

AMSAL 30:24

Kon dunia naa opat norupa in mahaḷuk inta mointok táe mopandoi totok, tuata: