AYUB 12:5 - Alkitab Singog In Mongondow Masa In Tanaa

⁵ Moiko moningkuḻe kon intau nobodito, bo kobiaganmu in moaman; intau inta gogiódon moḷabú binongkugpa doman monimu.

AYUB 12:5 Referans Kwoze

MATIUS 25:8

Mongodeaga mita inta bodok noguman kon mongodeaga mita inta mobijaksana, ‘Ogoiaipa in ḷana monimu biar tongá topiḻik, sin togá nami aindon mopiong.’

AMSAL 13:9

Intau mobanar naonda bo sindar inta motarang; intau moraat naonda bo togá nopiong.

MAZMUR 17:5

Akuoi in umuranbí nobiag podudui in totundú-Mu bo diábí sinumabat nongkon totundú-Nea.

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

MAZMUR 94:18

Kon tungkuḷ in akuoi norai kon moḷabú in akuoi, tabi-Mu, Tuhan, nokoporoton kon tosindogku.

AYUB 18:5

Togá in intau moraat in notantú bidon kon piongon; tuḷúnea in diá bidon poyongki-yongkiton bui.

AYUB 16:4

Aka kuma bo moiko nion in akuoi, bo akuoi in moiko, dá motaaubí doman in akuoi mosingog ná tatua. Yagi-yagidon in singogonku; totokbí in momombiḻing akuoi.

AYUB 6:5

Keledai in mooropbí aka pokaanon in bonok inta nonubu, natua doman in sapi aka ogoian in kaanonnea.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

AYUB 12:6

Táe kobiagan in mogogagow diábí ginogondok; intau inta mokobaḻí monontot kon i Allah, mobiag motompia. Bokaka dewa inta pongata-ngata monia, tongábí ropot monia tontaní.