AYUB 12:24 - Alkitab Singog In Mongondow Masa In Tanaa

²⁴ Binaḻí-Nea in itoi mita notoboḻingo, dá minayá in mosia takin diá kotaauan kon onda in bayáan.

AYUB 12:24 Referans Kwoze

MAZMUR 107:40

Ki Tuhan in nopoompá kon mongongawasa monia, bo nopotabá kon i monia nodondaḷoi kon ḷopá in kayuon inta diá in daḷannea.

AYUB 12:20

Pinomponan-Nea in bibig in intau inta motoḻindat mosingog, irabut-Nea in hikmat in guyanga mita.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!

DANIEL 4:33

Kon dodai doman intuata, tosingogon mita tatua noniata. Akuoi, ki Nebukadnezar inuntun nongkon sigad in intau mita bo nokaan kon bonok naonda bo sapi. Awakku nobuntad in oḷú, buokku in noḷanggódon naonda bo bubuḷ in boniá, bo konukuku in nádon koḷanggó in konuku in ḷagapan.

DANIEL 4:16

Pomayádon mako in gina in intaunea mobaḷui mobaḻí gina in mahaḷuk kon bonu in pitu notaong.

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

MAZMUR 107:4

Oyúon in nodondaḷoi kon kayuon, bo diá nonotaau in daḷan mayá pinogutunan kon kotá.

AYUB 17:4

Iḻingkopan-Mu in gina monia dá diá in mosia momangaḻe; dika modapot in mosia mopokuyung kon inakó in tanaa.

MAZMUR 59:12

Dikabí moḻimod kon i monia, o Tuhan, sinbá bangusaku diá mokoḻiong. Poraritdon bo upetdon in mosia podoyon kon kawasa-Mu, o Tuhan mogogoḻingoi nami.

DANIEL 4:12

Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

DANIEL 4:13

Naonda in irai-raikumai in oontongon tatua, inontongku in malaekat tobatú in noponag nongkon soroga, koontongan in sia kon kiḷuka-ḷukadmai bo nokopoingat.