AYUB 12:21 - Alkitab Singog In Mongondow Masa In Tanaa

²¹ Pinokopo oyá-Neamai in intau inta ihoromatmai; ginamá-Nea in hak monia mongawasa.

AYUB 12:21 Referans Kwoze

MAZMUR 107:40

Ki Tuhan in nopoompá kon mongongawasa monia, bo nopotabá kon i monia nodondaḷoi kon ḷopá in kayuon inta diá in daḷannea.

EPESUS 6:14

Moiko in musti umuran mobasadia. Ginamu inta motoindudui kon i Allah aidaidon naonda bo abit bo gina motuḻid aidaidon naonda bo ḷambungmu uatoi.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

YESAYA 37:38

Kon singgai tobatú, kon tungkuḷ in sia koyogot in nosambayang kon bonu in kuil i Dewa Nisrokh, sia in iḻimod in pitow i Adramelekh bo i Sarezer, ki adínea mita ḷoḷaki. Nopaḷut mako kon tua mosia in noḷagui kon Ararat. Dá ki Esarhadon, ki adínea ḷoḷaki ibanea, in nobaḻí datu nomaḷui kon inia.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 22:21

Ḷambung in jabatanmu bo togot in ogotanmu popopaké-Kudon kon inia. Bayongan in kawasamu ogoi-Kudon kon inia. Sia in mobaḻídon amá kon intau inta nogutun kon Yerusalem bo Yohuda.

YESAYA 11:5

Sia in mogaid pongin moadil bo motoindudui kon bayongan yagi-yagi.

YESAYA 5:27

Mosia in umuranbí taḷaoḷat mako in moparang bo diábí kotaauan monia in moḷopí. Mosia in diábí kon dodai in onda in mosiug andeka tomposiug.

IḶUAIAN 16:24

Dá kaanon inta noiḻiu tatua sinagú monia sin kaanon ikoḷom ná inta ain pinoguman i Musa; kaanon tatua diábí nobongkog bo diábí doman inuḷod.

IḶUAIAN 8:2

Aka diá duduianmu, yo butá tanaa in puḻinganku in tumpaḷak mobaḻí hukuman.

AYUB 3:15

Akuoi in noḷoḷot naonda bo ki adí ḷoḷaki in datu, inta nosipun kon saḷaka taakan kon bonu in baḷoinea.

AYUB 12:18

Iḻitoi-Nea in datu bo dinakop-Nea in mosia;

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

YESAYA 40:23

Binaḻí-Nea in mongongawasa mita diá kodaya, bo intau mita moḷoben kinobuḻian in kawasanea.

YESAYA 45:1

Ki Tuhan in nomiḻídon kon i Kores nobaḻí datu; sia in sinundú sin monaḷow kon bangusa mita bo momutoḷ kon kawasa in datu mita. Ki Tuhan in momukatbí kon bonawang mita in kotá tuotannea, diábí tobatúmai in pomayá mako moiḻingkop. Ki Tuhan in moguman kon inia,

AMOS 2:3

Pongawasa in Moab bo bayongan in pojabat in pomarentanea in ḻimodon-Kubí.”

AYUB 30:11

Popisí in binaḻí i Allah in akuoi moyangkó diá kodaya, mosia in mopoaid kon inakó in yaat in gina monia.