AYUB 11:10 - Alkitab Singog In Mongondow Masa In Tanaa

¹⁰ Aka domokon-Nea bo diaan in iko kon mahkama-Nea, yo ki ine in mokobaḻí moḷamboi kon aid-Nea?

AYUB 11:10 Referans Kwoze

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.

AYUB 12:14

Onu in kinokai-Nea diábí motaau posindogon bui ki ine in dinakop-Nea diá bidon mokoḷuat bui.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

YESAYA 41:27

Akuoi, ki Tuhan, inta muna-munamai nopotaau kon Sion; Akuoi in nopotabá kon mododia kon habar mopia minayá in Yerusalem.

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

AYUB 38:8

Ki ine in noḻingkop kon ngara sin modimpot kon baḷangon kon dodai in nongkon bonu in gantog in butá iḻumuai in tubignea?

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

AYUB 5:18

Sin ki Allah in mopouma in takit, yo Siabí doman in mongundam. Bo ḻima-Nea inta nosambok, in inta bui momidai.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.

AYUB 11:9

Kawasa i Allah in moḷobe-ḷoben nongkon dunia, bo mooḷa-oḷad nongkon baḷangon.

YESAYA 14:27

Ki Tuhan Inta Totok in mokawasa ain nonantú kon mogaid kon natua. Sia in nopoyopadon in ḻima-Nea sin mohukum, bo diábí tobatúmai in intau mokoḷamboi kon i-Nia.