AYUB 10:3 - Alkitab Singog In Mongondow Masa In Tanaa

³ Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

AYUB 10:3 Referans Kwoze

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

MAZMUR 138:8

Iko in mogintompodbí kon dandi-Mu kon inakó; dikabí mogogai in motuḷung kon umat-Mu.

AYUB 14:15

Dá Iko in mogoiníbí kon inakó, bo akuoi in motubagbí doman; Iko in motabibí bui kon inakó, mahaḷuk inta pinomia-Mu.

PETRUS 1 4:19

Manangka intua intau inta iroriga podudui in ibog i Allah, kobiagbí mokopotoḷutui in sia, bo posarakaidon in kobiagannea kon i-Nia inta nomia kon i monia, sin Sia in umuranbí mogaid kon onu inta ain pinodandi-Nea.

MAZMUR 69:33

Mokoontong kon tua, inta dinorot mopia-pia in gina, intau inta mosumba kon i Allah moḷoben in gina.

AYUB 40:8

Degá bayowanmu in koadilan-Ku, bo mopobanar kon inimu bo mopotaḷá kon i-Nakó?

AYUB 22:18

Bokaka ki Allahbí in inta nopobaḻí kon i monia nooyúon! Totuu kon diábí in akuoi momangaḻe kon raian in intau moraat!

AYUB 21:16

Sin tongábí popisí in ropot naton tontaní, dá kinodapotandon in bayongan makusud bo tujuan naton?” Táe akuoi in totokbí in diá moibog kon raian bo tosingogon natua:

AYUB 9:24

Dunia in inogoi i Allah kon inta mongoraat, bo hakim mita binilogan-Neadon komintan. Ki Allah in nogaid kon bayongan tanaa, aka deeman Sia, yo ki inepa?

AYUB 8:20

Táe ki Allah in diábí kon dodai in onda in monaḷámai kon intau inta motoindudui, bo diábí doman kon dodai in onda in Sia in motuḷung kon intau moraat.

AYUB 10:8

Akuoi naa in pinomiabí in ḻima-Mu, umpaka yo tanaa yopúon-Mu in akuoi?

AYUB 16:11

Ki Allah in nobogoi kon inakó kon intau moraat; akuoi pinogonagnea kon kawasa in intau mokotor.

AYUB 19:6

Pokotaaudon kon akuoi naa in koyogot iroriga i Allah, bo dinomok kon bonu in poyogaḷap-Nea.

AYUB 30:21

Moraat in pinogogaid-Mu kon inakó, Iritakan-Mu in akuoi takin bayongan in ropot-Mu.

AYUB 31:15

Sin ki Allah inta nopobaḻí kon inakó, in nomaḻí doman kon bobantungku mita tatua?

AYUB 33:4

Roho i Allah in nomaḻí kon inakó, bo nobogoi in kobiagan kon inakó.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

AYUB 15:13

Iko in sinumorú kon i Allah bo nomayow kon i-Nia.