AYUB 10:19 - Alkitab Singog In Mongondow Masa In Tanaa

¹⁹ Dá naonda bo diá dodai in onda in akuoi pinononggadí, sin nongkon bonu in bobuḷadían baḷúdon iḷobong.

AYUB 10:19 Referans Kwoze

MAZMUR 58:8

Biódon mako in mosia moinggamá naonda bo tubig inta gumabut, naonda bo piot inta ain notutut.

AYUB 3:11

Nongonu sin akuoi in diábí minatoi kon bonu in bobuḷadían i ináku, andeka minatoi kon dodai in pinononggadí?

AYUB 10:18

Nongonu sin pinomayá-Mubí in akuoi pinononggadí kon dunia? Mopia-piabí kon minatoi in akuoi kon dodai in diápa inontong in intau!

AYUB 10:20

Ah, diádon moonggot bo matoi in akuoi, dá pomayádon mako in akuoi tontaní, sinbá korasaankupa in kobiaganku inta kiagatneapa tanaa.

YEREMIA 20:17

Sin sia in diá noḻimod kon inakó kon tungkuḷ in akuoi kon bonupa in sian, sinbá akuoi in umuranpa kon bonu in sian i ináku bo bobuḷadíannea in mobaḻí poḷoḷobongan kon inakó.

AYUB 3:16

Nongonu sin akuoi in diábí pinononggadí poḷat minatoi sinbá akuoi in mosiug bo moḷoḷot totok?