AYUB 10:12 - Alkitab Singog In Mongondow Masa In Tanaa

¹² Inogoian-Mu in akuoi in kobiagan; kinotabi-Mu in akuoi, dimukudku iḷukadan-Mu pinongin pomomiag-Mu.

AYUB 10:12 Referans Kwoze

OUMAN IN RASUL MITA 17:28

Sin ná inta kain singog in intau, ‘Kita naa in nobiag bo motaau mamagí mamako modapot in oyúon kon dunia, lantaranbí kawasa-Nea.’ Ná doman kain momomantun monimu, ‘Kita naa in komintanbí ki adí-Nea mita.’

AYUB 33:4

Roho i Allah in nomaḻí kon inakó, bo nobogoi in kobiagan kon inakó.

MATIUS 6:25

Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang?

OUMAN IN RASUL MITA 17:25

Sia tua in diábí moparaḷu kon totuḷung in intau, sin Sia tua inta mobogoi in kobiagan, tompot bo bayongan yagi-yagi kon intau.

KINOBAḺIAN 19:19

Totuubí kon ki Tuang aindon totok notuḷung kon inakó bo noposaḷamat kon nyawaku. Táe buḷud tatua totuu moyayú; moondok in akuoi, dika-dikabo kobatukan in bodito tatua in akuoi bo matoi kon dodai in diápa moyaput in tampat tatua.

AYUB 10:11

Awakku pinosindog-Mu kon tuḷan bo pinakéan in ugat; tuḷanku in inoḻitan-Mu in tapú bo binakut in kuḻit.