AYUB 1:7 - Alkitab Singog In Mongondow Masa In Tanaa

⁷ Ki Tuhan in noḻibó kon inia, “Nongkon onda in iko?” Tubag in Ibilis, “Bobantung naa in bagupa nodondaḷoi magí-mako bo noḻibu kon bayongan in butá.”

AYUB 1:7 Referans Kwoze

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

AYUB 2:2

Dá ki Tuhan in noḻibó kon inia, “Nongkon onda in iko?” Ibilis in notubag, “Nongkon binayáan namagi-namako nodondaḷoi kon dunia.”

MATIUS 12:43

Aka dimukud moraat iḷumuai nongkon intau, yo sia i maya-mayá mako in tampat inta noingkag sin motayak kon pogogaiannea. Táe diá nokouḻí in sia.

WAHYU 20:8

bo sia in maya-mayá mako monguboḷ kon bayongan in bangusa inta noibaya-bayá mako kon dunia naa, tuata inta kon Gog bo Magog. Sipunon in Ibilis in mosia sin moparang, mobayong totok in mosia naonda bo bungaion kon dagat.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

ZAKHARIA 6:7

Kon dodai in kabaḷo inta nobaḷam-baḷang tatua iḻumuai, koontongan nádon diá mokotahang in mosia in mayá monaridi kon dunia. Malaekat tatua in noguman, “Bayádon sin monaridi kon dunia!” Dá minayádon in mosia.

DATU MITA 2 5:25

bo sinumuotdon bui in sia kon baḷoi. Ki Elisa in noḻibó, “Nongkon onda in iko?” “Diábí minaya-mayá mako in onda, Tuang” tubagnea.