AMSAL 9:11 - Alkitab Singog In Mongondow Masa In Tanaa

¹¹ Hikmat in mobogoi in umur moḷanggó kon inimu.

AMSAL 9:11 Referans Kwoze

AMSAL 10:27

Horomatbí in ki Tuhan, dá moonggot in kobiaganmu; intau moraat matoi deemanpa wakutunea.

AMSAL 3:16

Hikmat mobogoi kon inimu in umur moḷanggó, kaoyúonan bo kahoromatan.

AMSAL 3:2

sinbá moumur bo motompia in kobobiagmu.

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

ULANGAN 11:21

Dá moiko takin ki adímu mita in moumur in kobiagan kon butá inta pinodandi i Tuhan Allahmu kon mogoguyangmu. Aka ḷangit bo kon ḻimonikpa in butá, dá moiko in umuranpabí mogutun kon butá tatua.

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

ULANGAN 30:19

Tanaa in motaau bidon moiko momiḻí mongo mobiag ande matoi, barakat i Tuhan ande kutuk-Nea. Ḷangit bo butá oiníonku mobaḻí sakusi kon simpod in tosingogonmu. Piḻídon in mobiag.