AMSAL 8:7 - Alkitab Singog In Mongondow Masa In Tanaa

⁷ Onu in siningogku, komintanbí totuu, sin akuoi in doíbí kon inta uboḷ.

AMSAL 8:7 Referans Kwoze

MAZMUR 37:30

Intau mopia mosingog takin bijaksana, sia in umuranbí motuḻid kon bonu in singognea.

YOHANES 8:14

Ki Yesus in notubag, “Umpakabí in Akuoi mongonguman kon soaḷ kaadaan-Ku tontaní, táe totuubí onu inouman-Ku tua, sin kinotaauan-Kubí kon nongkon onda in Akuoi namangoi bo kon onda in bayáan-Ku.

YOHANES 17:17

Baḻí in mosia tongá kapunyaan i Amá pongin inta mobanar. Pirman i Allah tuata in mobanar.

AMSAL 12:22

Ki Tuhan in doíbí kon intau mouboḷ; táe mopia in gina-Nea kon intau inta motuḻid in gina.

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

AMSAL 29:27

Intau mopia in diábí mopia in ginanea kon intau moraat; intau moraat in doíbí kon intau mopia.

AYUB 36:4

Tosingogonku diábí in uboḷ; intau inta totok in moarip in naa kon tayowonmu.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

AMSAL 16:12

Kon mongongawasa, mogaid kon inta moraat in mokooyábí, sin pomarentaannea in moroton popisí in moadil.

SURAT I PAULUS KON JAMAAT RUM 15:8

Torop in naa, ki Kristus ain nobantung kon intau in Yahudi sin mopoontong kon ki Allah in mogaidbí kon onu inta ain pinodandi-Nea kon mogoguyang naton.