AMSAL 8:15 - Alkitab Singog In Mongondow Masa In Tanaa

¹⁵ Datu mita in dinuḷuanku momarenta, mongongawasa mita in sinuḷunganku moposindog in inta moadil.

AMSAL 8:15 Referans Kwoze

SURAT I PAULUS KON JAMAAT RUM 13:1

Pomuḷoi intau in musti dumudui kon pomarenta, sin diábí in pomarenta in diá nokouḻí kon kawasanea nongkon i Allah. Bo pomarenta masai naa nopobayá in kawasanea podudui in parenta i Allah.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”

DANIEL 4:32

Iko in poguntunon nongkon sigad in intau mita, bo mobiag moyotakin in mahaḷuk mita kon rawang. Pitu notaong in koonggotnea iko in mokaan kon bonok naonda bo sapi. Mopaḷut mako kon tua iko in mongakudon kon Ki Allah Inta Totok in moḷantud in kitogi kawasa kon dodatuan in intau bo dodatuan tatua in inogoi-Nea kon i inekabí inta piniḻí-Nea.”

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

DANIEL 4:25

Ki Tuangku in poguntunon nongkon yua-yuak in intau bo mobiagdon kon sigad in mahaḷuk mita kon rawang. Pitu notaong in koonggotnea ki Tuangku in mokaan kon bonok naonda bo sapi bo mosiug kon rawang inta diá in oḻi-oḻingoinea, modapot in mobuntad kotugatan in oḷú. Mopaḷut mako kon tua ki Tuangku in mongakudon kon ki Allah Inta Totok in moḷantud in kitogi kawasa kon dodatuan in intau, bo dodatuan tatua in ogoi-Nea kon i inekabí in piḻíon-Nea.

YEREMIA 33:15

Kon dodai intua intau moadil tobatú nongkon buí i Daud in piḻíon-Kubí mobaḻí datu. Datu tatua in mogaid kon onu inta moadil bo inta totuu kon sinangkub in butá.

YESAYA 1:26

Moiko in bui-Ku ogoian in hakim mita bo monononggina ná dungkuḷmai. Dá Yerusalem in tangoiondon kotá inta moadil bo motoindudui.”

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

DATU MITA IMITÁNEA 10:9

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

DATU MITA IMITÁNEA 5:7

Nopia totok in gina i Hiram naonda in nokodongog kon habar tatua. Sia in noguman, “Dinayo-dayowdon in ki Tuhan in singgai in naa, sin sia in nobogoidon kon i Daud in adí ḷoḷaki tobatú inta totuu mobijaksana mobaḻí datu kon bangusa inta moḷoben tua.”

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 9:17

Naonda in ki Samuel nokoontong kon i Saul, ki Tuhan noguman kon i Samuel, “Naadon in intau inta pinoguman-Ku kon inimu tua. Sia in momarenta kon umat-Ku.”

TAWARIKH 2 1:10

Manangka intua ogoiaidon kaasí in akuoi naa in kabijaksanaan bo pongotahuan inta paraḷuonku kon modia kon i monia. Sin aka diá natua, yo diábí in akuoi mokotongod in momarenta kon umat-Mu inta mobarong totok naa?”

MAZMUR 2:10

Dá taridiai, ei datu mita, tano-tanobka, ei mongongawasa mita kon dunia!

AMSAL 8:16

Popisí in aidku, intau mita moḷoben bo intau mita inta ihoromatmai nomarenta bo nopobayá in onu inta moadil.

AMSAL 29:4

Aka mongongawasa bo monaridi kon inta moadil, yo ḻipúnea in motorindogbí. Táe aka doit in paraḷunea, yo morumbunbí in ḻipúnea.

TAWARIKH 2 1:11

Tubag i Allah kon i Salomo, “Onu inta inigummu tua in mopiabí totok. Iko in diábí noigum kon kaoyúonan andeka kapunyaan andeka ponango-nangoian andeka kopatoian in musungmu mita andeka moumur in kobiaganmu tontaní, táe kabijaksanaanbí bo pongotahuan momarenta kon umat-Ku inta pinoki ḷukad-Ku kon inimu.