AMSAL 8:10 - Alkitab Singog In Mongondow Masa In Tanaa

¹⁰ Horomatbí in tongginaku moiḻiu kon saḷaka taakan, popoḷontú in sinotaau moiḻiu kon buḷawan totokan.

AMSAL 8:10 Referans Kwoze

MAZMUR 119:127

Parenta-Mu mita in kinoibogku totok noiḻiu kon buḷawan taakan.

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

MOHOHUTUBA 7:11

Intau nobiag mustibí oyúon in hikmat; hikmat naa in notongkai in budel;

AMSAL 10:20

Tosingogon in intau mopia naonda bo saḷaka taakan; raian in intau moraat diá in mangaḻenea.

OUMAN IN RASUL MITA 3:6

Táe ki Petrus in noguman kon inia, “Aka doit yo diábí in kon inakó naa, táe onu in kon inakó ogoikubí kon inimu: Podoyon kon tangoi i Yesus Kristus intau in Nazaret tatua, mokobayádon in iko!”

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

MAZMUR 119:162

Dandi-Mu in nokosanang kon ginaku, naonda bo intau inta nokouḻí kon kapunyaan.

KORINTUS 2 6:10

Umpakabí pinokuyang monia in gina nami, táe umuranbí moḷunganga in gina nami. Kami in koontongan nobiag nobogá, táe nobayongdon intau in binaḻí nami nooyúon. Koontongan kami diá kon onu bo onu, táe sabanarnea bayongan rupa-rupa oyúonbí kon i nami.

AMSAL 8:19

Inta mouḻímu nongkon inakó in noiḻiubí kon buḷawan totokan; momaha-mahaḷbí nongkon saḷaka taakan.

AYUB 28:15

Hikmat in diábí motaau in toḻiuan umpakabí buḷawan taakan, bo umpaka doman uboḻian in saḷaka.

AYUB 28:17

Buḷawan andeka posilag moaḷus in diábí motaau poyotongkaionnea, diábí kouboḻian in buḷawan mogurang.

AMSAL 20:15

Tosingogon mita inta tombonunea in sinotaau, in momaha-mahaḷbí nongkon buḷawan bo berlian.