AMSAL 6:6 - Alkitab Singog In Mongondow Masa In Tanaa

⁶ Intau inta maḷat mustibí monaridi kon kobobiag in toyom bo mobalajar kon inia.

AMSAL 6:6 Referans Kwoze

AMSAL 20:4

Monononggobá inta maḷat diá mobuká kon gobánea kon wakutunea; imbuitnea kon sempo in posipunan kon bungai in boyó yo butánea in diábí mobogoi in onu bo onu.

AMSAL 18:9

Intau inta maḷat in mogaid kon oaidannea notongkaibí in koraatnea in intau inta moibog momoguyaat.

AMSAL 6:9

Modapot in toonu in intau maḷat tatua in mosiug? Toonu in sia in mobangon?

IBRANI 6:12

Donaai mokopomaḷat, táe duduiaidon aid in intau mita inta ain notarima kon onu inta pinodandi i Allah, sin mosia in umuran nopirisaya kon i Allah bo nosabar doman mako in nogoḷat.

AMSAL 13:4

Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

MATIUS 25:26

Dá ki tuang tatua noguman kon inia, ‘Ei iko, simpaḷ inta moraat bo maḷat! Kinotaaunmu bidon kon akuoi in mokokoyut kon gobá inta deeman binunakanku bo nopuyut kon bungai in inta deeman pinomuḷa-Ku?

AMSAL 30:25

Toyom, mahaḷuk inta diá moropot, táe momonturung kon kaanonnea kon sempo in pononinggai.

SURAT I PAULUS KON JAMAAT RUM 12:11

Tantú mokoporajing in mogaid, donaai mokopomaḷat. Pogaid kon oaidan i Tuhan takin ibog moḷoben inta nongkon Roho i Allah.

AMSAL 21:25

Intau maḷat inta doí mogaid; moḻimod kon inia tontaní pongin ibognea.

AMSAL 19:15

Aid maḷat mokopopisí kon intau mosiug moanok, bo imbuitnea intau maḷat koaputan in gogoy.

AMSAL 22:13

Intau momaḷat moibog mogutun mako kon baḷoi; sia in moguman, “Oyúon in singa kon ḷuai, dika-dika bo domokonnea in akuoi kon daḷan.”

AMSAL 10:26

Dika mopotabá kon intau maḷat, tongábí in sia mokonapusu, naonda bo boil mokonilu kon ingipon andeka poyok mokopomporí kon mata.

AMSAL 19:24

Oyúon in intau maḷatnea in ponango-nangoian; umpaka mopoyoyok in kaanon kon bibignea yo mobú in sia.

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

AMSAL 15:19

Intau maḷat umuranbí koantugan in roriga; intau motuḻid in gina diábí moyodungkuḷ in roriga.

AMSAL 1:17

Sin umpakabí ḷagapan yo doíbí in dumangat kon bonu in pukot inta ain sinongká kon tayowonnea,

YESAYA 1:3

Sapi in kotaauanneabí in kitoginea, keledai in monotaaubí kon tampat pongogaanan inta sinadia i tuangnea. Táe umat-Ku Israel in diá; diábí in mosia nonotaau intua.”

AMSAL 23:19

Indongogai, adíku! Pokopobijaksana. Tondudut totu-totuu in kobobiagmu.

AMSAL 30:24

Kon dunia naa opat norupa in mahaḷuk inta mointok táe mopandoi totok, tuata:

YEREMIA 8:7

Ḷagapanpa bangow in kotaauanneabí in wakutunea mobui; tarangkuku, ḷagapan tansibí bo murai in monotaau doman kon wakutunea momamping kon tampat. Táe moiko, umat-Ku, in diábí nonotaau in hukum mita inta inogoi-Ku kon inimu.

AMSAL 10:4

Intau maḷat in mobaḻíbí mororiga; intau inta morajing in mobaḻíbí mooyúon.