AMSAL 6:22 - Alkitab Singog In Mongondow Masa In Tanaa

²² Totundú mita monia in mokapit kon inimu kon binayáan, moḷukad kon inimu kon tungkuḷ in doḷom, bo mobogoi in topotundú kon inimu kon tungkuḷ in iko mobangon.

AMSAL 6:22 Referans Kwoze

AMSAL 2:11

Komomangaḻe bo kopopandoimu tua in moḷukad kon inimu,

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 119:148

Kinoouput in doḷom moḷukad mako in akuoi, sin monano-nanob kon totundú-Mu.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 119:54

Kinoouput in kobiaganku inta motoyong naa kon dunia, atorang-Mu in baḻíonku dondong mita dodayow.

MAZMUR 119:24

Atorang-Mu mita in nobaḻí mononongginaku inta nokosanang kon ginaku.

MAZMUR 43:3

Poniatadon in kososatia-Mu sin monindar bo mokapit kon inakó, sinbá akuoi in mobui mayá in Sion, tombuḷud-Mu inta motusi bo mayá in Baḷoi pogogutunan-Mu.

MAZMUR 119:97

Totokbí in koibogku in hukum-Mu; umurankubí tano-tano bo kinoouput in singgai.

MAZMUR 17:4

Akuoi in nogaid kon onu inta pinoki aid-Mu bo diábí pinongin aid inta moraat.

MAZMUR 3:6

Akuoi in inumuḻid bo nosiug takin pia-pia, bo nobangon bui, sin ki Tuhan in notuḷung kon inakó.