AMSAL 6:11 - Alkitab Singog In Mongondow Masa In Tanaa

¹¹ Táe kon dodai in sia nosiug, sia inangoi in malarat bo diá koonu bo onu, tua in namangoi naonda bo mogogagow inta nodia kon pakakat in parang.

AMSAL 6:11 Referans Kwoze

AMSAL 13:4

Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

AMSAL 24:34

kodaitan bo mobiag mobogá mamangoi monubu naonda bo mogogagow inta kodia-dia in ḷoḷutam.

AMSAL 20:4

Monononggobá inta maḷat diá mobuká kon gobánea kon wakutunea; imbuitnea kon sempo in posipunan kon bungai in boyó yo butánea in diábí mobogoi in onu bo onu.

AMSAL 10:4

Intau maḷat in mobaḻíbí mororiga; intau inta morajing in mobaḻíbí mooyúon.

AMSAL 23:21

sin mosia in mobaḻí mobogá. Aka iko tongá mosiug, dá diádon moonggot bo iko in mogiḷambungdon in ḷambung mobera-berak.

AMSAL 19:15

Aid maḷat mokopopisí kon intau mosiug moanok, bo imbuitnea intau maḷat koaputan in gogoy.

AMSAL 20:13

Intau inta siugon mobiag mobogá. Intau inta morajing mogaid mobarong in kaanon.

AMSAL 24:33

Popisí in tomposiug bo mosiug motoyong, bo ḻimitú mokoyot kon ḻima bo mogogai motoyong,

MOHOHUTUBA 4:5

Táe, tongábí intau bodok in ḻimitú mako mokoyot kon ḻima bo mopomayá mako matoi in gogoy.