AMSAL 5:2 - Alkitab Singog In Mongondow Masa In Tanaa

² sinbá kotaauanmu mongo naonda in pododiamu kon aidmu bo mosingog saḷaku intau inta kopongotahuan.

AMSAL 5:2 Referans Kwoze

AMSAL 16:23

Raian in intau mopia in mokopomuká kon tosingogonnea mita mobijaksana, bo totundúnea mokoyakindon totok.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

DONDONG MOḶANTUD 4:11

Mopia in tosingogonmu mita, nonikaanku, naonda bo biluk taakan bo susu. Ḷambungmu in ná kobondu in Buḷud Libanon.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 10:21

Tosingogon in intau inta mopia, in mobaḻí barakat kon intau mobayong; kobobodok in intau bodok in moḻimodbí kon inia tontaní.

MAZMUR 119:13

Noḷangon in singogku in nopotaau in bayongan in hukum inta inogoi-Mu.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

AMSAL 20:15

Tosingogon mita inta tombonunea in sinotaau, in momaha-mahaḷbí nongkon buḷawan bo berlian.

AMSAL 3:21

Tuamai, kadaidon kon hikmat bo kon pororai inta modaḷom, adíku! Dika mokoimontanmai in umukat kon inia,