AMSAL 4:23 - Alkitab Singog In Mongondow Masa In Tanaa

²³ Ḷukadai in ginamu kopira, sin ginamu in monantúbí kon daḷan in kobiaganmu.

AMSAL 4:23 Referans Kwoze

LUKAS 6:45

Intau inta mopia in mogaidbí doman kon inta mopia sin ginanea in pinuḻingan in inta mopia. Táe intau inta moraat in mogaidbí doman kon inta moraat sin ginanea in pinuḻingan domandon in inta mongoraat. Sin onu inta siningog in bibig yo tua in iḷumuaibí nongkon ginanea.”

AMSAL 13:3

Intau inta muna morai bo mosingog moaman in kobiagannea; intau inta tongá kino singo-singognea koantugan in roriga.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

AMSAL 23:19

Indongogai, adíku! Pokopobijaksana. Tondudut totu-totuu in kobobiagmu.

AMSAL 28:26

Ki ine in mopongata in raiannea tontaní, diábí koraian mopia. Ki ine in dumudui kon totundú in intau mobijaksana mosaḷamatbí.

MARKUS 14:38

Sia in noguman doman kon i monia, “Umuran poḷukad bo posambayang sinbá diá kosobaan in moiko. Totuubí kon rohomu i moibogbí mogaid kon inta mobanar, táe diá mokosanggup in moiko sin tabiat in tapú naa moyangkó.”

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

AMSAL 4:7

Inta totok in moponting bo inta musti muna-munamai aidanmu, tuata in moḷongasi mobaḻí mobijaksana. Onuka in tayakonmu, inta totokanea in moḷongasibí sinbá mokouḻí kon pomomangaḻe.

AMSAL 3:21

Tuamai, kadaidon kon hikmat bo kon pororai inta modaḷom, adíku! Dika mokoimontanmai in umukat kon inia,

AMSAL 22:5

Poyogaḷap bo tontoyaud in kon daḷanbí in intau motombogá; pokoyayúdon kon tua komintan aka iko moibog mosaḷamat.

AMSAL 11:16

Bobay inta mopia in gina mokouḻíbí kon kahoromatan, intau moromú in mosipun kon kaoyúonan.

MOHOHUTUBA 5:13

Táe kapunyaan tatua nobuḻi popisí in roriga, dá diábí in motaau ogoi kon i adínea mita.

MATIUS 15:18

Táe onu in siningog monimu tua in komintanbí nongkon bonu in gina; bo tuatabí inta mokonajis kon intau.

AMSAL 16:17

Intau mopia yumayúbí kon inta moraat; intau inta monaridi kon kobobiagnea, moḷukad kon awaknea.