AMSAL 4:15 - Alkitab Singog In Mongondow Masa In Tanaa

¹⁵ Dikabí in iko umuran tumontong kon i monia. Pokopoyayú kon i monia bo dika mongandup.

AMSAL 4:15 Referans Kwoze

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

TESALONIKA 1 5:22

Bo mokopoyayú kon bayongan inta moraat.

AYUB 22:23

Pobuidon mangoi kon i Tuhan takin ompá in gina koraatan kon baḷoimu in gogaiaidon.

AYUB 11:14

Inggamáaidon in dosa nongkon ginamu bo poyayúdon inta moraat nongkon baḷoimu!

IḶUAIAN 23:7

Poyayú mako in moponapud in uboḷ bo donaai mokopopisí kon intau inta diá kotaḷá hukumon matoi, sin kodoí-Kubí in intau inta momia kon moraat natua.

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

AMSAL 6:5

Poḷuatdon in awakmu nongkon poyogaḷap tatua naonda bo ḷagapan andeka rusa noḷagui nongkon intau inta motayak kon inia.

AMSAL 5:8

Pokopoyayúdon kon bobay inta ná tatua! Modapotbí in dika dimiug kon baḷoinea.

AMSAL 4:14

Dika dumudui kon kobobiag in intau moraat, bo dika dumayan kon oaid monia.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

AMSAL 1:15

Dikabí dumudui kon intau mita natua, adíku! Pokoyayúdon kon i monia.

AMSAL 24:1

Dikabí mointoi kon intau moraat, bo dika moibog moyobayat monia.