AMSAL 30:16 - Alkitab Singog In Mongondow Masa In Tanaa

¹⁶ Dunia in intau minatoi, bobay inta diá kon dodai in onda nononggadí, butá noingkag inta mogoḷat mako kon uyan, bo tuḷú inta tantú ḷumekep magí-mako.

AMSAL 30:16 Referans Kwoze

AMSAL 27:20

Kon dunia in intau minatoi, umuranbí oyúon in tampat; natua doman in ibog in intau diábí in ayownea.

HABAKUK 2:5

Kaoyúonan tatua in umuranbí mongakaḷ kon intau. Intau inta motamaa tatua in moḷoḷatú bo mogagawang. Naonda bo popatoi, sia in diábí doman kon dodai in onda in moorop; bayongan in bangusa tokorambitonnea.

KINOBAḺIAN 30:1

Táe ki Rahel in diápa doman kogadí. Manangka intua nointoidon in sia kon i guya-guyangnea, bo sia noguman kon i Yakub, “Ogoiaidon akuoi in adí, aka diá, yo akuoi in simimpatoidon.”

AMSAL 30:15

Ki inta monononrente kon doit in kogadí kon doyowa; tangoi nayadua in tumpaḷa “Kon inakó”. Opat nopasaḷ inta diá kon dodai in onda moorop:

YESAYA 5:14

Dunia in intau minatoi nobukádon noḷoben sin moḻiom kon intau mita inta noiuna kon Yerusalem takin rayat inta nononbobutungan noyotakin.