AMSAL 30:11 - Alkitab Singog In Mongondow Masa In Tanaa

¹¹ Oyúon in intau mogodi-godimai kon i amánea bo diá mohoromat kon i inánea.

AMSAL 30:11 Referans Kwoze

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

ULANGAN 27:16

‘Kinutuk in intau inta diá mohoromat kon guyanganea bo mopomayá mako kon i monia.’ ‘Amin!’

IḶUAIAN 21:17

Ki ine in mogodi-godimai kon i amá ande kon i inánea, musti hukumon matoi.

IMAMAT 20:9

Ki Tuhan nobogoi in atorang mita tanaa, “Intau inta mogodi-godimai kon i amánea ande kon i inánea musti hukumon matoi. Sia matoi popisí in taḷánea tontaní.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

TIMOTIUS 1 5:4

Táe aka intau boba-bobay tatua kogadípa ande kogompupa, yo ki adínea andeka ki ompuneapa tatua in muna tongginaan kon bá umuran tarukiraan in guyanga monia tatua, bo motuḻí kon tabi i iná ande i baay monia tua, sin tuabí in kinoibog i Allah.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

MALEAKHI 1:6

Ki Tuhan Inta Totok in mokawasa in noguman kon imang mita, “Adí tobatú in mohoromatbí kon i amánea, bo mobobantung tobatú in mohoromatbí kon i tuangnea. Akuoi i naa in ki Amámu; nongonu sin moiko in diábí mohoromat kon i-Nakó? Akuoi naa in ki tuangmu; yo nongonu sin moiko in diábí moondok kon i-Nakó? Moiko in mopoompámai kon i-Nakó, táe moiko in noḻibó, ‘Naonda in pinononingkuḻe nami kon ini-Mu?’

AMSAL 23:22

Duduiaibí in ki amámu; sin, aka diá in sia yo diábí doman in iko. Aka ki inámu in mogoguyangdon, yo poniatabí kon iko in mohoromat kon inia.