AMSAL 3:8 - Alkitab Singog In Mongondow Masa In Tanaa

⁸ Dodiamu tua in mobaḻí naonda bo undam kon inimu inta mokopia kon awakmu bo mokosanang kon ginamu.

AMSAL 3:8 Referans Kwoze

AMSAL 4:22

Intau inta nonotaau kon tua in mobiagbí bo mosehat.

MAZMUR 147:3

Sia in mongundam kon intau inta kinobuḻian in kamang, bo mobakut kon kekeb mita monia.

AMSAL 16:24

Tosingogon moḷukó notongkai in biluk; moromimit in korasaan bo mokosehat kon awak.

YESAYA 1:6

Nongkon uḷu nodapot kon paḷad in sioḷ diádon in nopia in kon awakmu. Moiko in nopuḻingdon in bobagá mita, inumuḷo-uḷow bo paḻí mita. Paḻímu mita tatua in diápa dinaritan andeka binakut, diá doman inundaman in ḷana.

YESAYA 66:14

Mokoontongmai kon tua, mopiabí totok in gina monimu bo moropotdon bui bo mosehat naonda bo bonok mobagu. Dá mogogundoi-Ku mita in mokoalamibí kon kawasa-Ku bo musung-Ku mita in mokorasa kon torú-Ku.”