AMSAL 3:6 - Alkitab Singog In Mongondow Masa In Tanaa

⁶ Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

AMSAL 3:6 Referans Kwoze

AMSAL 16:3

Poandoḷdon kon i Tuhan in bayongan tomayámu, dá kodapotanmubí intua.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

YEREMIA 10:23

Tuhan, kinotaauanku kon diábí tobatúmai in intau in mokawasa monantú kon ukurnea andeka monantú kon daḷan kobiagannea.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

YESAYA 48:17

Guman i Allah mokudus in Israel, Mopoposaḷamatmu, “Akuoibí in ki Tuhan Allahmu, inta notundú kon inimu onu in baraguna kon inimu, bo nodia kon inimu mongin daḷan inta musti bayáanmu.

KOLOSE 3:23

Onukabí in pokiaid kon i monimu, aidaibí totu-totuu takin sanang gina, naonda bo mobantung kon i Tuhan, deemanbí tongá kon intau.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

AMSAL 23:17

Dika mointoi kon intau binaradosa. Tantúdon kotoindudui kon i Allah

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

SAMUEL 1 30:8

Onda intua noḻibódon in ki Daud kon i Tuhan, “Musti degá batukonku in banselang mononubu tatua? Mokobatuk degá in akuoi kon i monia?” Ki Tuhan notubag, “Oo, batukdon; kobatukanmubí in mosia bo poḷuatonmu in intau mita inta sinoko domok tua.”

YESAYA 45:13

Akuoibí inta noḻiai kon gina i Kores kon mogaid kon makusud-Ku bo moposindog in koadilan. Akuoi in monondodaibí kon bayongan in daḷan inta kotaḻibannea. Sia in buibí moposindog in kotá-Ku Yerusalem bo mopoḷuat in umat-Ku inta dinakop, takin diábí in sogó bo tondannea.” Ki Tuhan Inta Totok in mokawasa ain noguman.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

NEHEMIA 2:4

Ki datu in noḻibó, “Dá, onu in koibogmu?” Akuoi in nosambayang kon i Allah inta nongawasa kon soroga,

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

PINOGIAPAN 9:20

Táe siga-sigad tongá tongonumai nosinggai in goḷom tatua kon tombutung in Ḷoḷaigan tatua. Naondakabí, parentabí i Tuhan in monantú kon i monia mogutun kon tampat tobatú andeka mobuat.

NEHEMIA 7:5

Tuamai in pinopogonú i Allah kon inakó sinbá mosipun kon rayat bo itoi mita takin guhanga mita in ḻipú, sinbá motaau iyaponku in mosia podudui in tangoi kon inanakan monia. Kon kasampatan tatua aindon nouḻíku in pinomaisan kon tangoi mita in intau inta muna-munamai nobui nongkon pinoḷumbúan. Noiduduimai naa in katarangan inta nouḻíku nongkon pinomaisan tatua:

AMSAL 11:5

Daḷan kobiagan in intau mopia in tondodaionbí in ginanea inta motuḻid, táe intau moraat in modiabí kon awaknea mayá in korimumudan.

YEREMIA 42:3

sinbá poontongpa kaasí i Tuhan Allah mongo kon onda in musti bayáan nami bo onu in musti aidan nami.”

YESAYA 26:7

Intau inta motuḻid in gina in mongin daḷan inta motuḻid, sin Iko, Tuhan in nomontang kon daḷan bayáannea.