AMSAL 3:34 - Alkitab Singog In Mongondow Masa In Tanaa

³⁴ Ki Tuhan in doíbí kon intau inta motosiḷantud, táe momarakatbí kon intau inta moompá in dodia.

AMSAL 3:34 Referans Kwoze

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

AMSAL 9:12

Aka hikmat bo oyúondon kon inimu, yo ikobí tontaní in mountung. Táe aka hikmat bo diá tarimaanmu, yo ikobí tontaní in porugionmai.

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

AMSAL 21:24

Intau moḷoḷatú bo mosiḷantud in moibogbí moningkuḻe bo diá koendar.

AMSAL 19:29

Intau bodok inta motosiḷantud notantú bidon kon bongkugon.

MAZMUR 18:26

Tuhan, Iko in mosatia kon intau inta mosatia bo mopia kon intau inta mopia.

AMSAL 14:9

Intau bodok in diábí mopandungmai mongo dosanea ampungan andeka diá; intau mopia in moibogbí ampungan in dosanea.

AMSAL 16:19

Maníka bo moompá in dodia bo diá kokaoyunan, bo dika in dumudui kon intau moḷoḷatú bo mokaan kon kaoyúonan inta inagow monia.

AMSAL 1:26

Tuamai, aka moiko mobodito, yo kosingankubí. Aka moiko moondok, yo singkuḻeonkubí.