AMSAL 3:33 - Alkitab Singog In Mongondow Masa In Tanaa

³³ Ki Tuhan in mongutuk kon baḷoi in intau moraat, táe momarakatbí kon baḷoi in intau inta motoindudui kon i-Nia.

AMSAL 3:33 Referans Kwoze

MAZMUR 37:22

Intau inta binarakatan i Tuhan in motarimabí kon butá tatua, táe intau inta kinutuk-Nea in untunon-Neabí.

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

MAZMUR 91:10

Dá iko in diábí kotugatan in bodito, baḷoimu in diábí kotugatan in anib.

ULANGAN 7:26

Dika motagú kon patong berhala kon bonu in baḷoimu, sinbá kutuk inta noiuma kon inia diá moiuma kon inimu doman. Tua mita in musti kodoí bo anggap diá in mangaḻenea, sin kinutuk i Tuhan.”

AMSAL 21:12

Ki Allah Inta Totok in moadil monotaaubí kon onu in mobaḻí kon bonu in baḷoi intau moraat. Sia in mopotabatbí kon i monia dá moyopú in mosia.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

SAMUEL 2 6:11

Poti Dodandian tatua in toḷu nobuḷan in kon tua, bo ki Tuhan in nomarakat kon i Obed-Edom takin motoḷuadínea.

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

ULANGAN 11:28

Táe moiko in kinutukbí aka diá motoindudui kon bayongan parenta mita i Tuhan Allahmu, modapotbí in monoḻikud bo mayá mosumba kon ilah mita ibanea inta diá dodai onda sinumba monimu.

YOSUA 6:18

Diábí in motaau mogamá kon onuka inta musti payongon. Aka mogamá in moiko kon tua, dá pinononḷoḷaigan in Israel koantugan in bodito.

AYUB 24:18

Bo ki Zopar in noguman, “Intau moraat in noiḻig kon ḷunud moḷoben, butánea in kinutuk i Allah; gobá in anggurnea noingongowdon; diádon in intau nogaid kon tua.

AYUB 31:12

Dosa tatua in moyompat naonda bo tuḷú in naraka, bayongan in inta kon inakó nodait tubáannea.

AMSAL 10:6

Intau mopia in mokouḻíbí kon barakat. Aid moromú noibuni kon tosingogon mita in intau moraat.

AMSAL 14:11

Baḷoi in intau mopia umuranbí moroton; baḷoi in intau moraat in moumpagbí.

AMSAL 15:6

Kon baḷoi in intau mopia mobarong in kaoyúonan; kaoyúonan in intau moraat iyompat in bodito.