AMSAL 3:24 - Alkitab Singog In Mongondow Masa In Tanaa

²⁴ Iko in mayá mosiug takin diá moondo-ondok, bo moḷoḷotbí in iko kinoouput in doḷom.

AMSAL 3:24 Referans Kwoze

MAZMUR 3:5

Akuoi in nokuani kon i Tuhan; bo nongkon buḷud-Nea inta motusi Sia in notubag kon inakó.

MAZMUR 4:8

Binaḻí-Mu in gina-Ku nodugang noḷunganga noiḻiu kon ḷunganga in intau inta nokouḻí kon bungai in boyó mobarong.

AMSAL 6:22

Totundú mita monia in mokapit kon inimu kon binayáan, moḷukad kon inimu kon tungkuḷ in doḷom, bo mobogoi in topotundú kon inimu kon tungkuḷ in iko mobangon.

YEREMIA 31:26

Kon dodai intuata intau in mogumandon, ‘Naonda in nosiug noḷoḷot, mopiadon in korasaanku.’

AYUB 11:19

Iko in diá bidon moondok kon musung; mobayong in intau in mopoigum in totuḷung kon inimu.

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

MAZMUR 127:2

Diábí in mangaḻenea in simiḷopí totok in mogaid motayak kon kobiagan, mobangon doḷo-doḷom bo mosiug moonggot kon doḷom; sin ki Tuhan in moposadiabí kon i monia inta kinotabi-Nea, kon tungkuḷ in mosia mosiugpa mako.

YEHEZKIEL 34:15

Akuoidon tontaní in mobaḻí gombala in domba-Ku mita tatua bo mosadia kon pogogogaian monia; Akuoi ki Tuhan Inta Totok in moḷantud ain nosingog,

OUMAN IN RASUL MITA 12:6

Doḷom wakutu in diápa dinia i Herodes in sia kon tayowon intau moantó, ki Petrus in sinokig in rante bo pinoposiug kon sigad in tontara doyowa inta moḷukadmai kon inia. Bo ḷoḻingkop in ponjara tatua iḷukadan doman in tontara mita ibanea.

MAZMUR 112:8

Sia in diábí moḻia-ḻiaw in gina andeka moondok, sin noyakin kon musungnea in taḷowonbí.

AMSAL 1:33

Táe intau inta mokidongog kon inakó in koḷukadanbí. Sia in mobiagbí moaman bo diá bidon moondok.”

MOHOHUTUBA 5:12

Kon dunia naa inontongku oyúon in mokoajar kon gina: Oyúon in intau tobatú nosipun kon kapunyaannea sin pogoḷat kon malarat.

TAWARIKH 2 20:30

Tuamai in ki Yosapat nomarenta takin pia, bo ki Tuhan in nobogoi kon inia in kaadaan dame kon bayongan in butá.

MAZMUR 3:6

Akuoi in inumuḻid bo nosiug takin pia-pia, bo nobangon bui, sin ki Tuhan in notuḷung kon inakó.

MAZMUR 91:5

Iko in dika moondok kon anib kon dodai in doḷom, andeka daḻí tubuon kon dodai in singgai;

AMSAL 19:23

Horomatbí in ki Tuhan, dá mosanang in kobiaganmu; mopuasbí in iko bo moiyayú kon bodito.

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

YEHEZKIEL 34:25

Akuoi in momiabí kon dodandian takin i monia, inta noḷukad kon kobiagan monia. Untunon-Kubí in bayongan mahaḷuk moraat nongkon sinangkub in butá, dá domba-Ku mita in mogutun moodom kon rawang mita bo mosiug kon kayuon mita.

YEHEZKIEL 34:27

Pangkoi mita in kayu in momungaidon, pinomuḷa mita kon gobá in mobogoidon in bungainea, bo bayongan in intau in mogutunbí moodom kon butánea tontaní. Aka rante pinotogot kon umat-Ku bo botowandon bo mosia in poḷuaton-Kudon nongkon intau mita inta nononggata kon i monia, dá kotaauandon monia kon Akuoibí in ki Tuhan.