AMSAL 3:21 - Alkitab Singog In Mongondow Masa In Tanaa

²¹ Tuamai, kadaidon kon hikmat bo kon pororai inta modaḷom, adíku! Dika mokoimontanmai in umukat kon inia,

AMSAL 3:21 Referans Kwoze

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.

AMSAL 4:21

Dika ḷumbúon intua, táe tantúbi tagú kon bonu in ginamu.

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.

YOHANES 8:31

Onda intua ki Yesus in noguman kon intau mita in Yahudi inta ain nopirisaya kon i-Nia, “Aka moiko bo umuran dumudui kon inta sinundú-Ku, yo moiko in totu-totuudon mobaḻí dumodudui-Ku,

AMSAL 2:7

Intau inta motuḻid in gina bo inta diá in bogit, tuḷungan-Nea poḷat ḷukadan.

YOHANES 1 2:24

Sin tuamai, habar inta ain dinongog monimu, wakutu in moiko bagupa nopirisaya, mustibí tagúon monimu kon bonu in gina. Sin aka habar inta ain dinongog monimu tua umuran kon gina-gina mako monimu, yo moiko in umuranbí mobiag motobatú takin i Adí bo i Amá.

AMSAL 1:4

Intau inta diá kopongalaman in tundúonnea dá mopandoidon morai, bo intau inta moguodpa in mobaḻídon intau mopandoi bo pororainea in nádon onda bo intau inta ain nogurang.

AMSAL 5:2

sinbá kotaauanmu mongo naonda in pododiamu kon aidmu bo mosingog saḷaku intau inta kopongotahuan.

AMSAL 8:14

Akuoibí inta nopogonú in raian. Bo akuoi doman in nomaḻí kon inia. Akuoi in mopandoi bo moropot doman.

AMSAL 18:1

Intau inta tumontaní nongkon intau ibanea mangaḻenea in tongá morai kon awaknea tontaní; bayongan in tosingogon in intau bayowannea.

AMSAL 4:6

Horomatbí in hikmat, dá hikmat in moḷukad kon inimu; kotabibí in sia dá ḷukadanneabí in iko sinbá umuran moaman.

AMSAL 19:8

Ki ine in momatuk kon pongotahuan, motabi kon awaknea tontaní; bo ki ine in mokotorop kon onu in binalajarnea, mopiabí in kobiagannea.