AMSAL 3:13 - Alkitab Singog In Mongondow Masa In Tanaa

¹³ Mountungdon totok in intau inta nobaḻí mobijaksana bo nokouḻí kon pomomangaḻe.

AMSAL 3:13 Referans Kwoze

AMSAL 18:1

Intau inta tumontaní nongkon intau ibanea mangaḻenea in tongá morai kon awaknea tontaní; bayongan in tosingogon in intau bayowannea.

AMSAL 2:4

Tayak intua ná motayak kon buḷawan, bo batuk intua ná momatuk kon kapunyaan inta noibuni.

AYUB 28:15

Hikmat in diábí motaau in toḻiuan umpakabí buḷawan taakan, bo umpaka doman uboḻian in saḷaka.

AMSAL 8:9

Kon inta mopandoi, tosingogonku in totuubí, kon intau moarip, tosingogonku in noitaná.

ULANGAN 30:13

Tampatnea in deemanbí doman kon ḷoḷan in dagat, dá moiko in moḻibó, ‘Ki ine in mayá ḷumoḷan kon dagat sin mogamá kon tua bo pakéon naton, sinbá kodongogan naton bo motaaudon duduian?’

AYUB 28:18

Hikmat in moḷantu-ḷantud komintan in boḻinea nongkon merjan, kristal, andeka mutiara.

AYUB 28:19

Batu topas taakan bo buḷawan totokanea, kon ḻimonaganbí in boḻinea nongkon hikmat.

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.