AMSAL 29:8 - Alkitab Singog In Mongondow Masa In Tanaa

⁸ Intau inta moibog mopotaḷá mokotombaukbí kon kotá, táe intau mobijaksana in mokoonowbí kon kaadaan.

AMSAL 29:8 Referans Kwoze

AMSAL 11:11

Barakat in intau motuḻid in gina mokogaga kon kotá; tosingogon in intau moraat mokogoguyaat kon inia.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

AMSAL 16:14

Torú in datu in naonda bo habar hukuman matoi; intau inta mobijaksana moḷongasi mopoonow kon inia!

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

PINOGIAPAN 25:11

“Ki Pinehas adí i Eleazar, ki ompu i Imang Harun, totokdon in moibog noguntu kon kahoromatan-Ku kon sigad in intau Israel, dá torú-Ku in noinggamádon bo diádon motuoi-Ku yopúon in bangusa tatua.

PINOGIAPAN 16:48

Yampoi tatua nogogai, bo ki Harun kon yua-yuak in intau mita inta nobiagpa bo inta ain minatoi.

AMSAL 29:9

Aka intau mobijaksana bo intau bodok mopelekara, intau bodok tua in tongábí momarontak bo kumosing dá mokopomukádon kon dowawá.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.