AMSAL 29:4 - Alkitab Singog In Mongondow Masa In Tanaa

⁴ Aka mongongawasa bo monaridi kon inta moadil, yo ḻipúnea in motorindogbí. Táe aka doit in paraḷunea, yo morumbunbí in ḻipúnea.

AMSAL 29:4 Referans Kwoze

AMSAL 29:14

Aka datu mobela kon hak in intau moyangkó, yo kon taonganneabí in sia in momarenta.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

DANIEL 11:20

Sia in baḷuian bidon in datu tobatú inta mopotabá kon pogawainea inta moḻingá sin mosipun kon pajak takin pakisa sin modugang kon kaoyúonan in dodatuannea. Tongábí motoyong bo ḻimodon in datu tatua, táe diábí mositayowan mako bo deemanbí doman kon poparangan.”

AMSAL 20:8

Aka datu ḻimitú kon kadera in pongadilan, koontonganneabí in bayongan inta moraat.

YESAYA 49:8

Ki Tuhan in noguman kon umat-Nea, “Kon tungkuḷ in Akuoi in moibog, Akuoi in motubagbí; kon singgai Akuoi moposaḷamat, Akuoi motuḷung kon i monimu. Moiko in oḻiungan-Ku bo ḷukadan-Ku, bo baḻíon-Ku dodandian kon bangusa mita. Tompiaan-Ku bui in butá inta noingongowdon mobaḻí butá tonsilai inta pogutunan.

YESAYA 9:7

Ki Tuhan ain nopoḷabú in hukuman kon dodatuan in Israel.

AMSAL 16:12

Kon mongongawasa, mogaid kon inta moraat in mokooyábí, sin pomarentaannea in moroton popisí in moadil.

AMSAL 8:15

Datu mita in dinuḷuanku momarenta, mongongawasa mita in sinuḷunganku moposindog in inta moadil.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

MAZMUR 89:14

Totuu moḷoben in kawasa-Mu, bo totuu motoyang in ropot-Mu!

TAWARIKH 2 9:8

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu sin momarenta pinodoyon kon tangoi-Nea, pinoontong-Nea kon totuu mosanang in gina-Nea kon i Tuang. Popisí in motabi in Sia kon umat in Israel bo ibogon-Nea sinbá mosia in umuran oyúon, dá dinuí-Nea in ki Tuang nobaḻí datu monia, sinbá ki Tuang in motaau mopobayá in hukum bo koadilan.”

DATU MITA IMITÁNEA 2:12

Onda intua ki Salomo in nobaḻí datu nonoḻiu kon i Daud, ki amánea. Kawasa i Salomo saḷaku datu noroton totok.

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

SAMUEL 1 13:13

Nokodongogmai kon natua, ki Samuel in noguman kon i Saul, “Mobodok totok in aid i Tuang tatua. Aka kuma bo ki Tuang in dinumudui kon parenta i Tuhan Allah kon i Tuang Datu, yo tantúon bidon i Tuhan kon mononoi in Tuang Datu bo buí i Tuang Datu in momarenta mobaḻí datu kon Israel naa.

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AMSAL 14:34

Aid moadil bo aid mopia mopoḻintakbí kon tangoi in bangusa, táe dosa in mokopopisí kon bangusa poompáanmai.

AMSAL 16:10

Datu in motarima kon kawasa nongkon i Allah, dá, diábí in sia kotaḷá in monantú kon ibognea.