AMSAL 28:8 - Alkitab Singog In Mongondow Masa In Tanaa

⁸ Ki ine in mobaḻí mooyúon popisí in moigum kon rente bo motayak kon kauntungan inta moḷoben totok, kaoyúonannea in moiḷabúbí kon intau inta motabi kon intau bogá.

AMSAL 28:8 Referans Kwoze

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

IMAMAT 25:36

Dika moigum kon kauntungan nongkon onu inta pinoḷuanmu kon inia, táe kotoguondokbí in moiko kon i Allahmu, bo pomayádon mako intau tatua mobiag kon sigad monimu. Dika doman motayak kon kauntungan aka moiko mopotaḷui in kaanon kon inia.

YEHEZKIEL 18:17

Diábí kon dodai in onda in sia in mogaid kon moraat andeka mopoḷuan takin rente. Sia in motoḷutui kon hukum-Ku mita bo dumudui kon parenta-Ku. Yo adí tatua in mobiagbí diábí matoi popisí in dosa mita i amánea.

IḶUAIAN 22:25

Aka moiko mopoḷuan in doit kon intau bogá inta kon sigad in bangusa-Ku, yo dikabí naonda bo mononagi kon boḻi inta moigum doman kon kauntungannea.

YEHEZKIEL 18:13

Sia in mopoḷuan bo moigum kon rente. Yo degá mobiag in intau natua? Diá! Sia in nomiadon kon bayongan in oaid inta mokorongó tua, bo sia in matoibí! Sia in matoi popisíbí in aidnea tontaní.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 19:7

Intau bogá poompáanbímai i utatnea, apadoman yobayatnea. Naondaka in pororamujinea, sia in diábí mokogamá kon gina monia.

MAZMUR 72:13

Sia in motabi kon rayat nobogá bo intau biasa, bo moposaḷamat in kobiagan in intau inta diá koonu bo onu.

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.