AMSAL 28:7 - Alkitab Singog In Mongondow Masa In Tanaa

⁷ Tayowmobiag inta dinumudui kon hukum in intaubí mobijaksana. Táe intau inta moyobayat in intau inta mourab in mokopooyábímai kon i amánea.

AMSAL 28:7 Referans Kwoze

AMSAL 29:3

Ki ine in moibog in hikmat, mokosanang kon gina i amánea. Ki ine in moyobayat in bobay sundaḷ mokopodait kon doitnea.

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

AMSAL 29:15

Totundú bo toboḷow mokopobaḻí kon intau mobijaksana. Adí inta tantú duduian in ibognea mokopooyámai kon i inánea.

AMSAL 28:24

Ki ine in monakow nongkon guyanganea bo kainia intua in deemanbí dosa, yo notongkaibí in mononakow mita ibanea.

AMSAL 19:26

Adí inta momongkug bo mopoguntun kon guyanganea, in adíbí inta mokooyá bo nohina.

LUKAS 15:30

Táe naonda in nobuidon mangoi ki adí i papa inta ain nokopodaitmai kon bayongan kapunyaan i papa takin bobay mita sundaḷ, yo sia in sinomu i papa bo pinorataan kon ki adí in sapi inta totok in moḷongó!’