AMSAL 28:12 - Alkitab Singog In Mongondow Masa In Tanaa

¹² Aka intau mopia in mongawasa, bayongan intau in mosanangbí, aka intau moraat in momarenta, yo rayat in mogadopbí.

AMSAL 28:12 Referans Kwoze

AMSAL 29:2

Aka intau moadil in momarenta, mopia in gina in rayat. Táe aka intau moraat in mongawasa, yo mororiga in rayat.

AMSAL 11:10

Morame in kotá aka intau mobanar in mokouḻí kon rijiki; intau mita in monggoḷokapbí aka intau moraat in matoi.

AMSAL 28:28

Aka intau moraat mongawasa, rayat mogadop; aka intau moraat in moputú, intau inta moadil in mobaḻí itoi.

YEREMIA 36:26

Noidapot in ki datu nomarentabí kon i adínea ḷoḷaki, ki Yerahmeel, noyotakin i Seraya ki adí i Azriel bo ki Selemya ki adí i Abdeel, sin modomok kon inakó bo kon i Barukh momomaisku. Táe binuni i Tuhan in kaminda.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

MOHOHUTUBA 10:16

Moboditodon in butá inta datunea moguodpa totok, bo intaunea mita moḷoben momia kon rame kino ouput in doḷom.

TAWARIKH 2 7:10

bo nopoikoḷomai kon singgai, kon singgai in doyowa nopuḷú botoḷú buḷan noginpitu, ki Salomo nopotabá in intau mita tatua nobui. Nopia in gina monia kon bayongan inta mopia inta inaidan i Tuhan kon bangusa in Israel umat-Nea, kon i Daud bo kon i Salomo.

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

DATU MITA IMITÁNEA 18:13

Degá diápa kinodongogan i Amá kon tungkuḷ in ki Izebel noḻimod kon nabi mita i Tuhan, yo 100 nongkon i monia in binuniku kon bonu in angob – 50 in intau in kon bonu in angob tobatú – bo nobogoi in kaanon bo inumon?

SAMUEL 1 24:11

Tanaa in kinorasaandon tontaní i Tuang Datu kon koina kon bonu in angob, pinosarakandon i Tuhan in ki Tuang kon inakó. Akuoi naa in dinondouḷugandon in intau tobatú kon moḻimod kon i Tuang Datu, táe doí in akuoi. Akuoi in notubag kon akuoi in doíbí mopororigamai kon datu inta ain piniḻí i Tuhan.

YEREMIA 36:19

“Iko bo ki Yeremia in musti mogadop. Dika modapot in kotaauan in intau in pinogadopanmu tua,” guman monia.