AMSAL 28:11 - Alkitab Singog In Mongondow Masa In Tanaa

¹¹ Intau nooyúon umuran morai kon sia in mobijaksana, táe intau bogá inta mopia in kotaauanneabí mongo ki ine in sia tua.

AMSAL 28:11 Referans Kwoze

SURAT I PAULUS KON JAMAAT RUM 12:16

Moiko in musti mobiag mototabian tobatú bo tobatú. Donaai morai kon soaḷ mita inta moḷantud. Táe raibí in soaḷ mita inta komampuan aidan. Dikabí tumekeng mopandoi in iko.

AMSAL 26:16

Intau maḷat in monganggap kon siabí in motaa-taau nongkon intau pitu inta moitutui in pinototubag.

AMSAL 18:17

Intau inta mosingog muna kon bonu in sidang pongadilan umuranbí koontongan ná mobanar, táe onu in siningognea pangkoiondon ujion aka moiangoidon in ḷawangnea.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

YESAYA 5:21

Moboditodon in moiko inta tumangoi mobijaksana bo mopandoi totok!

AMSAL 26:5

Ḷoḻibó inta mobodok mustibí tubagan in tontubag inta mobodok doman, sinbá ki inta moḻibó in monotaaudon kon diábí in sia mopandoi ná inta kon raiannea.

AMSAL 23:4

Dika rumoriga totok sinbá mobaḻí mooyúon. Taḷaaidon in niatmu tatua.

AMSAL 19:1

Maníka bo intau bogá inta motuḻid in kobobiagnea, dika in intau bodok inta moibog monguboḷ.

AMSAL 18:11

Táe intau nooyúon mosangka kon kaoyúonanneabí in moḷukad kon inia naonda bo dinding moḷantud bo moropot kon ḻibu in kotá.

AYUB 32:9

Intau mobaḻí moarip, deemanbí popisí in nogurangdon in kobiagannea; intau in nonotaau kon inta mobanar, deemanbí popisí in nobarongdon in umurnea.

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

AMSAL 26:12

Intau inta totok in bodok in mopia-piabí kon intau inta tumangoi mopandoi.