AMSAL 27:1 - Alkitab Singog In Mongondow Masa In Tanaa

¹ Dika tumakabur kon singgai ikoḷom, sin diábí kinotaauanmu onu in mobaḻí.

AMSAL 27:1 Referans Kwoze

KORINTUS 2 6:2

Sin ki Allah ain noguman nanaa, “Kon wakutu inta kinoibog-Ku, Akuoi in nongindongogdon kon i monimu, bo kon singgai in akuoi moposaḷamat, Akuoi in motuḷung kon inimu.” Pokotorop kopia, masa in tanaa ain bidon wakutu inta kinoibog-Ku tua, bo tanaa bidon mako in singgai poposaḷamatan tatua!

SAMUEL 1 28:19

Iko bo intau mita in Israel in ogoi-Neadon kon intau in Pilistin. Ikoḷom iko bo adímu mita ḷoḷaki in moyosipundon takinku; modapot in bayongan tontara in Israel in ogoi doman i Tuhan kon intau in Pilistin.”

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

MAZMUR 95:7

Sin Siabí in ki Allah naton, kita naa in umat inta biniag-Nea, naonda bo domba gombalaan-Nea. Singgai in naa indongogaidon in singog-Nea:

DATU MITA IMITÁNEA 20:11

Ki Datu Ahab in notubag, “Pogumandon kon i Datu Benhadad: Tontara inta totu-totuu tontara, bainbí mopaḷut mako moparang bo mopia in ginanea, deemanbí kon tungkuḷ in diápa moparang.”

ESTER 5:12

Gumannea doman, “Nodapot in ki Ratu Ester tongábí nogoiní kon inaminda i datu kon bobutungan inta inaidannea kon inami, bo ikoḷom doḷom in buínea doman inoinínea in kami.

MOHOHUTUBA 8:7

Diábí tobatúmai in intau in nonotaau mongo onu in mobaḻí kon inia kon singgai moiduduimai, bo diábí doman in mokopotaau mongo onu in mobaḻí.