AMSAL 26:24 - Alkitab Singog In Mongondow Masa In Tanaa

²⁴ Intau inta moraat in mopiabí in tosingogonnea mita táe ginanea nopuḻing in moromú

AMSAL 26:24 Referans Kwoze

AMSAL 12:20

Intau inta monomayá kon inta moraat in moibogbí in aid diá moadil; intau inta moḷongasi kon inta mopia in mosanangbí.

AMSAL 10:18

Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

MAZMUR 41:6

Musungku in mosingog kon inta moraat soaḷ akuoi, ibogon monia in matoi in akuoi bo koḻiongandon.

AMSAL 14:8

Intau mobijaksana in kotaauanneabí onu in aidannea, intau bodok koakaḷan in kobobodoknea.

AMSAL 12:17

Takin moguman kon inta totuu, intau moposindog in inta moadil; pongin monguboḷ, intau mokopoangoi kon inta diá moadil.

AMSAL 12:5

Intau motuḻid in moraibí kon onu mita inta mopia; intau moraat in monomayá kon naonda in pongonguboḷ.

AMSAL 11:1

Ki Tuhan in doíbí kon intau inta mopomaké in simbangan inta motombogá táe mopia in gina-Nea kon intau inta mopomaké in pononimbangan inta moitutui.

AMSAL 23:7

Sin, sia in moguman, “Igai mongaan; podugangpabí,” bokaka makusudnea in deemanbí natua. Mopia in singognea, táe toposibí in kon ginanea.

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

KINOBAḺIAN 34:13

Popisí in ki Sikhem ain nokopooyámai kon kahoromatan i ai-ai monia ki Dina, dá ki adí mita i Yakub nonguboḷ kon i Sikhem bo kon i Hemor ki amánea.

SAMUEL 1 18:17

Ki Saul nonomayá kon bá ki Daud ḻimodon in intau in Pilistin kon bonu in parang sinbá deemandon sia tontaní in moḻimod kon inia. Dá kon singgai tobatú noguman in ki Saul kon i Daud, “Ki Merab ki adíku bobay guya-guyang, potonibuḷoiku takinmu, asaḷ bo poontongmupa in koḷoḷakimu kon bonu in parang sin kopontingan i Tuhan.”

SAMUEL 2 13:26

Bo ki Absalom in noguman, “Aka natua, dá ogoidon in ki utatku ki Amnon dumudui takin inami.” Guman i datu, “Dikadon in sia dumudui.”

SAMUEL 2 13:27

Táe popisí in ki Absalom umuran doman momakisa, dá imbuitnea ki Daud nobogoidon kon i Amnon bo bayongan in adínea ḷoḷaki ibanea dinumudui kon i Absalom. [Bo ki Absalom nokioḷudon in kaanon inta totok in mongopia.]

SAMUEL 2 20:9

Ki Yoab in noguman kon i Amasa, “Onu in habar, yobayat?” ḻimanea koḷanan in nokadai kon kumi i Amasa naonda bo mongayok kon inia.

NEHEMIA 6:2

Dá ki Sanbalat bo ki Gesyem nokidia mangoi in undangan kon inakó sinbá mamangoi moyodungkuḷ monia kon ḻipú tobatú kon Ḷopá in Ono. Táe kinotaauanku kon mosia tua in moniat mopobodito kon inakó.

MAZMUR 12:3

Mosia komintan mosiuboḷandon, mosiakaḷan pongin tosingogon inta mopia in kodongogan.

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.