AMSAL 26:17 - Alkitab Singog In Mongondow Masa In Tanaa

¹⁷ Intau inta dumugang kon bobayowan inta deeman totaaunea notongkai in intau inta nodomok kon ungkú ḻindong kon bongoḷannea.

AMSAL 26:17 Referans Kwoze

AMSAL 20:3

Tongábí intau bodok inta moibog morogenggeng; aid inta dayowon in yumayúbí kon rogenggengan.

LUKAS 12:14

Táe ki Yesus noguman kon inia, “Utat, ki ine in nopobaḻí kon i-Nakó hakim andeka mononigad kon i monimu mosilai kon kapunyaan inta sinaḷaan in guyanga monimu kon i monimu?”

AMSAL 18:6

Aka intau bodok mosingog, mokopomuká in sia kon ropatoi bo mopoigum sambokon.

AMSAL 17:11

Intau moraat umuranbí mokopomuká kon ropatoi, táe popatoi in mamangoi kon inia nobaḻí totabá inta moromú.

AMSAL 3:30

Dika morogenggeng kon inta diá in popisínea takin intau inta diá kon dodai in onda nopoaid in moraat kon inimu.

AMSAL 26:18

Intau inta monompobaḻik, bodongka moguman, “Akuoi in tongábí momaḻitumbui,” in notongkai in intau nobundai inta mopogogitog in ḷoḷutam inta mokobodito.