AMSAL 24:22 - Alkitab Singog In Mongondow Masa In Tanaa

²² Intau ná tatua in diábí moonggot bo morimumud, popisí in bodito inta pinoangoi i Allah andeka in datu in deemanbí pelekara mointok.

AMSAL 24:22 Referans Kwoze

HOSEA 5:11

Israel in dinorot; sia in kinobuḻian in hak kon butánea, popisí in sia totok in kumeket kon mokituḷung kon inta sabanarnea in diábí mokotuḷung kon inia.

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

AMSAL 20:2

Torú in datu naonda bo ganggor in singa; intau inta mokopomuká kon torúnea notongkaibí in mopobodito kon awaknea tontaní.

AMSAL 16:14

Torú in datu in naonda bo habar hukuman matoi; intau inta mobijaksana moḷongasi mopoonow kon inia!

AMSAL 6:15

Tua komintan in mokopopisí kon bodito moiantug kon inia inta moidaḻin-daḻí, bo morimumud in sia.

AMSAL 24:16

Sin, umpaka intau motuḻid mopobui-buimai moḷabú, umuranbí in sia mobangon bui. Táe, aka intau moraat yo rimumudonbí in bodito.

DATU MITA IMITÁNEA 1:49

Mokokiangoi mita i Adonia inangoiandon in ondok, dá mosia in sinimindogdon komintan bo minayá, minayádon kon inia-inia.

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.