AMSAL 24:15 - Alkitab Singog In Mongondow Masa In Tanaa

¹⁵ Dikabí ná intau moraat inta moyopakat mogagow kon onuka kon intau motuḻid bo mogagow kon baḷoinea.

AMSAL 24:15 Referans Kwoze

OUMAN IN RASUL MITA 9:24

Táe makusud monia tatua kinotaauan i Saulus. Doḷom bo singgai mosia in mogoḷat mako kon ngara in kotá tatua, sin moḻimod kon inia.

YEREMIA 11:19

Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

YESAYA 32:18

Umat i Allah in moiḷuatbí nongkon roriga bo mobiag kon tampat inta moaman bo mopia.

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

OUMAN IN RASUL MITA 25:3

Mosia in umuran modondouḷug kon i Pestus sinbá podudui in kopopia in ginanea, sin in moibog mopotabá kon intau modia kon i Paulus mayá in Yerusalem; sin mosia ain notobatú kon gina moḻimod kon inia wakutu in sia kon daḷanpa.

OUMAN IN RASUL MITA 23:16

Táe ki adí i bobay i utat i Paulus in nokodongog kon tomayá monia tatua. Dá sia in minayá in tampat monia tatua bo noguman kon soaḷ tatua kon i Paulus.

MATIUS 26:4

Mosia in noyosingog kon naonda in pododomok kon i Yesus bo poḷat moḻimod kon i-Nia.

AMSAL 22:28

Dika mokoimontanmai in momamping kon sigad in butá inta ain sinantú in mogoguyangmu.

AMSAL 1:11

Aka mosia in moguman, “Koḻigai, kita motayak kon intau bo ḻibutan naton bongkugon. Tongábí yambá, dá koḻigai in kita momongkug kon intau inta diá kotaḷá.

MAZMUR 59:3

Poḷuatdon in akuoi kon intau inta mopoaid in moraat, pomiḷaguidon in akuoi nongkon moḷoḻimod mita.

MAZMUR 56:6

Kinoouput in singgai musung mopotombauk in pelekaraku, umuranbí in mosia moḷongasi mopobodito kon inakó.

MAZMUR 37:32

Intau mopia tarapon mako in intau moraat inta motayak kon kasampatan moḻimod kon inia.