AMSAL 23:23 - Alkitab Singog In Mongondow Masa In Tanaa

²³ Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

AMSAL 23:23 Referans Kwoze

AMSAL 18:15

Intau mopia in tantúbí moibog in sinotaau; intau mobijaksana in umuranbí moibog mokouḻí kon totundú.

MATIUS 13:44

“Aka ki Allah momarenta, yo naonda: Bo kapunyaan inta noiḷobong kon gobá inta nouḻí in intau, bodongka iḷobongnea bui. Popisí in pia in ginanea, dá minayádon in sia bo nopotaḷui in bayongan kapunyaannea bo sinaḷuineadon in gobá tatua.”

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

AMSAL 10:1

Naa in tonggina mita i Salomo: Adí inta mobijaksana in mokoyunggagá kon gina i amánea; adí inta bodok mokororiga kon gina i inánea.

MAZMUR 119:127

Parenta-Mu mita in kinoibogku totok noiḻiu kon buḷawan taakan.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

MATIUS 13:46

Naonda in nouḻínea in mutiara inta totok in mogaga tatua, ḷagi in sia minayá bo nopotaḷui in bayongan kapunyaannea, bodongka notaḷui kon mutiara tatua.”

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

OUMAN IN RASUL MITA 20:23

Tongá Roho i Allah aindon noguman kon inakó kon wakutu in akuoi tumuot magí mako kon kotá-kotáannea, yo ponjara in nobaḻí tampatku bo roriga in umuran mogoḷat mako.

AMSAL 9:8

Dika moningkuḻe kon intau inta doí tundúon, sin moyaat in ginanea kon inimu. Táe aka intau inta mobijaksana bo popotaaumu in taḷánea, yo iko in horomatonneabí