AMSAL 23:13 - Alkitab Singog In Mongondow Masa In Tanaa

¹³ Dikabí moondo-ondok in modidik kon i adímu. Aka sambokonmu uwoy in sia, diábí matoi in sia,

AMSAL 23:13 Referans Kwoze

AMSAL 13:24

Diá moḷubag kon adí, yo mangaḻenea kon tua in diábí motabi kon inia; aka motabi, yo mustibí mokobaḻí in moḷubag kon inia.

AMSAL 29:17

Didikdon in ki adímu, dá sia in mobogoibí in kobiagan moonow kon inimu, bo mobaḻí ḷoḻipoi kon inimu.

AMSAL 29:15

Totundú bo toboḷow mokopobaḻí kon intau mobijaksana. Adí inta tantú duduian in ibognea mokopooyámai kon i inánea.

AMSAL 19:18

Tundú kotompiraan in ki adímu kon dodai in oyúonpa in kamang; aka diá dá mangaḻenea ibogonmu in morimumud in sia.

IBRANI 12:7

Tarimabí monimu aka sambokon i Allah in moiko. Sin Sia in mosambok saḷaku ki Amá naton. Sin diábí tobatúmai in adí tongá pomayá mako diá sambokon i amánea aka mogaid kon inta diá mopia?

AMSAL 23:12

Tondudutbí in totundú in gurumu bo pobalajar totok.

AMSAL 22:15

Nongkon dungkuḷpabímai mongoadí mita in mogaid kon inta mobodok, táe uwoi in motaaubí pomout sinbá mobaḷui in dodia monia.