AMSAL 23:10 - Alkitab Singog In Mongondow Masa In Tanaa

¹⁰ Dika mokoimontanmai in momamping kon sigad in butá tonsilai andeka mogamá kon butá kapunyaan in intau uno-unon.

AMSAL 23:10 Referans Kwoze

AMSAL 22:28

Dika mokoimontanmai in momamping kon sigad in butá inta ain sinantú in mogoguyangmu.

ZAKHARIA 7:10

Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’

ULANGAN 27:17

‘Kinutuk in intau inta monisí kon sigad in butá in topodiugneamai.’ ‘Amin!’

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

ULANGAN 19:14

“Aka moiko modapotdon kon butá inta inogoi i Tuhan Allahmu kon inimu, dikabí momamping kon sigad in topodiugmu inta sinantú nongkon tungkuḷ intua.”

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

YEREMIA 7:5

Baḷuiaidon in kobobiagmu bo dodiamu. Pokoadildon kon tumpaḷa intau.

MAZMUR 94:6

Mosia in noḻimod kon boba-bobay bo uno-unon bo intau ango-angoi inta nogutun kon butá tanaa.

AYUB 22:9

Deemanbí tongá iko diá notuḷung kon intau boba-bobay mita, táe inta uno-unon in dinorotmu doman.

AYUB 6:27

Nodapot in adí uno-unon sinayak monimu in daḷan kobiagannea pinongin nopogonik in undi, yobayatmu modagin inakaḷan monimu sinbá mobaḻí mooyúon.

AYUB 24:9

Intau moraat in mononggata kon adí inta uno-unondon, bo mogamá kon ki adí mointok in intau nobogá inta koboḻi kon inia.

IḶUAIAN 22:22

Donaai mopomia ibog-ibog kon i monia inta dongkadon boba-bobay bo adí mita inta uno-unon.

AMSAL 15:25

Ki Tuhan in mogumpagbí kon baḷoi in intau inta motosiḷantud, táe butá in intau boba-bobay ḷukadan-Nea.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.