AMSAL 22:9 - Alkitab Singog In Mongondow Masa In Tanaa

⁹ Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

AMSAL 22:9 Referans Kwoze

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

PETRUS 1 4:9

Bo moiko in musti motaau mosipasiaran kon baḷoi takin diá mogamui.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

LUKAS 14:13

Manangka intua aka iko bo mogaid kon bobutungan, yo oinídon in intau mita bogá, intau nongobogit, intau mita inta ḻempeng, bo intau mita bilog.

YESAYA 32:8

Táe intau inta motuḻid in ginanea monomayá kon soaḷ mita inta mopia bo mogaid kon inta mopia doman.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

AMSAL 11:25

Intau inta mokakit mobogoi in umuranbí mobarong in kaoyúonannea, intau inta moibog motuḷung in tuḷunganbí doman.

MARKUS 7:22

monuaḻing, monguboḷ, moponapud in diá totuu, bo mogaid kon bayongan inta moraat, modunia, diá koendar, mointoi, mokaḷakuang, bo moyoyiga didikon.

MATIUS 20:15

Degá diá motaau in akuoi in mopomaké in kapunyaanku podudui kon onu in koibogku? Andeka moyaat degá in ginamu, aka akuoi mogaid kon inta mopia kon intau ibanea?’ ”

ULANGAN 28:56

Modapot in bobay moḷoben inta totok in motuḻid in ginanea bo totok in nobiag nooyúon nodapot in diá dodai onda minaya-mayá in sioḷ, momia doman ná tatua. Kon dodai in musung mongopung kon kotá, bobay tatua kodaitan in ropot in ginanea popisí in gogoyon, dá sia in umado-adopdon bo mokaan kon i adínea inta bagu pinononggadí takin induanea. Diábí topiḻikmai in ogoinea kon i buḷoinea inta kinotabinea ande kon i adínea mita.

AMSAL 31:20

Sia in diábí morinut kon intau inta kinodaitan; sia in mopiabí in gina kon i monia inta moparaḷu kon totuḷung.

AMSAL 11:17

Intau inta mopia in gina in modiabí kon kauntungan kon inia tontaní; intau inta moromú in mokoporugimaibí kon inia tontaní.

AMSAL 11:27

Ki ine in morajing mogaid kon inta mopia kinosanang in intau; ki ine in motayak kon inta moraat, in koantuganbí in roriga.

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.

AMSAL 28:24

Ki ine in monakow nongkon guyanganea bo kainia intua in deemanbí dosa, yo notongkaibí in mononakow mita ibanea.

AMSAL 28:27

Ki ine in mobogoi kon intau bogá diábí in sia kodaitan. Ki ine in doí moindoi kon onu in paraḷu in intau bogá, yo butungonbí.