AMSAL 22:22 - Alkitab Singog In Mongondow Masa In Tanaa

²² Dikabí moporugimai kon intau bogá, tongá popisí in sia moyangkó; bo kon sidang pongadilan dika mogagow kon hak in intau inta diá kodaya.

AMSAL 22:22 Referans Kwoze

ZAKHARIA 7:10

Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

AMSAL 22:16

Ki ine in moibog mooyúon pongin mondorot kon intau bogá bo mobogoi in tombuinag kon intau nooyúon kon imbuitnea in momalaratbí.

IḶUAIAN 23:6

Dika tombogaanmu intau bogá aka monantú kon taḷá.

AYUB 31:21

Aka kuma bo akuoi in nokoimontandon nopororigamai kon uno-unon, sin moyakin kon mountungbí in kon pelekaraku,

AYUB 31:16

Diápa kon dodai in onda in akuoi in doí notuḷung kon intau inta mokotabi, andeka nopomayá mako kon boba-bobay mita nobiag kinobuḻian in kamang.

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

IMAMAT 25:17

Dika monguboḷ kon tumpaḷa intau Israel, táe kotoguondokbí in moiko kon i Tuhan, Allahmu.

ULANGAN 23:16

Sia in motaaubí mogutun kon kotámu tobatú podudui in koibognea, bo diábí motaau in totok tonggataan monimu in sia.

IḶUAIAN 23:3

Dika mopoyoposi in intau aka kon ponantúan kon taḷá, umpaka intau inta pinoyotutui tatua in intau diá koonu bo onu.

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

AMSAL 21:7

Intau moraat in doíbí dumudui kon hukum; sia in mororigabí in romúnea tontaní.

YESAYA 10:2

Pinongin aid natua moiko in moḷamboi kon intau bogá mokouḻí kon hak bo koadilan, bo mogagow kon kapunyaan in boba-bobay mita bo uno-unon.