AMSAL 22:21 - Alkitab Singog In Mongondow Masa In Tanaa

²¹ bo inta motundú kon inimu onu inta totu-totuu mobanar. Komintanmai, aka iko in poḻibóan, yo iko in mokotubagbí podudui kon onu inta iḻibó.

AMSAL 22:21 Referans Kwoze

PETRUS 1 3:15

Táe kon bonu in ginamu, musti in moiko mobogoi in ponghoromatan tontaní inta moyokaan in kadudukan-Nea saḷaku Tuhan. Bo umuran pobasadia in motubag kon intau mita inta moibog mopoḻibó-ḻibó kon soaḷ inta nobaḻí dodoyonan in pirisaya monimu.

YOHANES 1 5:13

Pinaisku in naa kon i monimu inta ain nopirisaya kon i Adí i Allah, sinbá kotaauandon monimu kon moiko ain nokouḻí kon kobiagan mopia bo mononoi.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

AMSAL 25:13

Totabá inta motoindudui in mokosanang kon intau inta nopotabá, naonda bo tubig moonow kon mororatab kon gobá in tudunea.

MOHOHUTUBA 12:10

Sia in moḷongasi motayak kon tosingogon poḻipoi, bo tosingogon mita inta pinaisnea in mojujurbí.

AMSAL 1:1

Naa in tonggina mita i Salomo ki adí ḷoḷaki i Daud, datu in Israel.

AMSAL 1:3

Tonggina mita tanaa in motundú kon naonda sinbá intau mobiag mobijaksana, mojujur, moadil bo mobanar.