AMSAL 21:16 - Alkitab Singog In Mongondow Masa In Tanaa

¹⁶ Intau inta diá dinumudui kon kobobiag inta mopia, notantúbí kon modapot in dunia in intau minatoi.

AMSAL 21:16 Referans Kwoze

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 49:14

Natuata in ukur in intau inta mopongata in awaknea, bo singgai moiduduimai in intau inta moorop in tosingogonnea.

YUDAS 1:12

Kon wakutu in moiko nogaid kon rame nongaan noyotakin, oaid in intau mita tatuata inta mokobú kon sigad monimu. Mosia tumura in mongaan takin diábí kooyá, bo tongá morai kon kopontingan monia tontaní. Mosia tua in ná doman onda bo goḷom inta dinia in tompot táe diá mokouyan. Mosia in ná doman onda bo pangkoi in ayop inta diá momomungai umpaka sempo in ayop; pangkoi mita inta ain irabut takin uakatnea bo minatoidon.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

EPESUS 2:1

Tungkuḷ intua, secara rohani moiko in minatoidon, sin binaradosadon bo doí dinumudui kon parenta mita i Allah.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

AMSAL 9:18

Mosia inta nobaḻí kokaanonnea diá nonotaau kon intau inta mamangoi kon inia moyodungkuḷ in popatoinea kon tua; bo mosia inta ain sinumuot kon baḷoinea, tanaa mako in kon bonudon in dunia in intau minatoi.

AMSAL 2:13

Mosia in doíbí dumudui kon kobobiag inta mopia; mosia in mongindaḷanbí inta mosindip bo nopuḻing in dosa.

AMSAL 11:19

Ki ine in umuran mosatia mogaid kon inta mopia, in mokouḻíbí kon kobiagan mosanang; ki ine in diá umukat kon aid moraat yo mopobayá in popatoi.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

AMSAL 5:23

Sia in matoi popisí in doí tongginaan. Dondunguḷnea nodia kon inia kon kogoguyaatan.

AMSAL 19:16

Intau inta dumudui kon parenta mita i Allah in mosaḷamat, intau inta diá mopandung in matoibí.