AMSAL 21:15 - Alkitab Singog In Mongondow Masa In Tanaa

¹⁵ Aka inta moadil in pobayá, dá mosanangbí in gina in intau mopia, táe intau moraat in moondokbí.

AMSAL 21:15 Referans Kwoze

AMSAL 10:29

Ki Tuhan in moḷukad kon intau motuḻid in gina, táe moyopú kon intau inta mogaid kon inta moraat.

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

YESAYA 64:5

Iko in motomu kon intau inta motuḻid in gina bo inta nobiag podudui in ibog-Mu iko in sinumorú kon inami, táe kami in tantúbí nogaid kon dosa totuu kon nongkon dungkuḷpabímai kami in kotaḷá.

MOHOHUTUBA 3:12

Kinotaauanku kon i naton in diábí in moiḻiu in pia koḻikudbí in moḷunganga in gina bo motarima kon onu in oyúon kinoouput in kinobiagan naton.

AMSAL 21:12

Ki Allah Inta Totok in moadil monotaaubí kon onu in mobaḻí kon bonu in baḷoi intau moraat. Sia in mopotabatbí kon i monia dá moyopú in mosia.

AMSAL 5:20

Onu in mangaḻenea in mongibog kon bobay ibanea, adíku? Onubí in mangaḻenea in mosiug takin bobay sundaḷ?

MAZMUR 119:16

Atorang-Mu in nokosanang kon inakó; totundú-Mu in diábí koḻionganku.

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

MAZMUR 40:8

Bo akuoi in noguman, “Naadon in akuoi, kon bonu in ḻitodan in buk pinais kon inakó.

SURAT I PAULUS KON JAMAAT RUM 7:22

Batinku in moibogbí kon hukum i Allah,

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

MAZMUR 119:92

Aka kuma bo hukum-Mu in deemanbí pinomangkoian in ḷungangaku, yo notantúbí kon minatoidon in akuoi kon bonu in rorigaku.

AMSAL 21:16

Intau inta diá dinumudui kon kobobiag inta mopia, notantúbí kon modapot in dunia in intau minatoi.